Fullmikið gert úr þessu

Ég þekki vel þessar reglur skólanna, þetta er eins hér í DK, og mínir krakkar eru á svipuðum aldri.

Málið á sér margar hliðar. Á annan bóginn er verið að stuðla að samkennd í bekk, það er engin ástæða til að skilja börn útundan á fyrstu skólaárunum. Skólinn hvetur því foreldra til að barn bjóði öllum (annaðhvort strákum eða stelpum, eða öllum bekknum). Vilji foreldrar hafa þetta öðruvísi, er þeim það að sjálfsögðu frjálst, en þá er boðskortum dreift utan skólans. Því miður er það  nefnilega svoleiðis, að það eru sömu börnin sem eru útundan hvað eftir annað, og ömurlegt að sjá skólafélagana fá boðskort fyrir framan nefið á sér, og vera aldrei með í hópnum.

Á hinn bóginn er fyllilega rétt að börn eiga ekki skap saman af fleiri ástæðum, og þeim mun eldri sem börnin eru er erfiðara að halda því til streitu að bjóða börnum sem aldrei hafa verið félagar barnsins. Hér er mikilvægt að þeim börnum sem er boðið, fái boðskortið annars staðar en í skólanum, og að það sé ekki valið frá (þau börn sem maður EKKI vill bjóða), heldur að það sé valið til (börnin sem maður vill bjóða). Kannski 5 strákar af 10, eða í þeim dúr.

Þegar þetta er sagt (skrifað), er ég gáttuð á að þetta dæmi lendi í fjölmiðlum, og málaferlum.

Hefði ekki verið nóg að áminna foreldra um reglur skólans, og taka málið upp á foreldrafundi???????

Barnaafmæli veldur uppnámi í Svíþjóð

Athugasemdir

[Anna Guðný , 29.6.2008 kl. 23:04]

Hef ekkert heyrt meira um þetta en dettur helst í hug að foreldrarnir hafi ekki veirð ánægðir með ákvörðun skólans. En frábært að heyra hversu vel er tekið á þessu hjá þér.

[Guðrún Jóhannesdóttir, 30.6.2008 kl. 12:07]