Rassgat í bala

Hefur oft vafist fyrir mér að þýða þetta á dönsku!

Danir vilja meina að rassgat (røvhul) sé hið versta skammaryrði, og "i balje" sé i besta falli bull og þessu samhengi.

Datt þetta í hug þegar sonur vinafólks okkar var sofnaður í sófanum, þegar við fullorðna fólkið, að loknu borðhaldi með heitreyktum laxi, íslensku lambalæri, og sænskri súkkulaðiköku með jarðarberjum , ís og alles (börnin okkar og þeirra voru að sjálfsögðu með í því öllu saman), vorum dottin í "Trivial Pursuit" án barna. Drengirnir, 10 ára, voru semsé sofnaðir í sófanum, algjörir rassgat í bala, á meðan okkar 8 ára stelpurófa var (og er), á útopnuðu svo hún missi ekki af fjörinu.

 Ætla mér ekki að þýða "rassgat í bala" fyrir hina foreldrana, þegar þau sækja soninn á morgun, það virkar eitthvað svo flókið á dönsku !!!

Krútt  hins vegar, hljómar eins og "krudt", sem þýðir eins lags dýnamít.!!

Ekki hægt að finna almennileg samheiti

Ætla hins vegar að fara að reka átta ára ungann í rúmið (í áttunda skiptið). Fatta ekki alveg háttatíma kl. 8-9 virka daga, og hanga á fótum langt fram yfir miðnætti um helgar.

Jæja, ég ætla ekki að koma upp um mig í kvöld, það getur vel verið að ég hafi fengið eitt (eða kannski tvö (eða rúmlega tvö)rauðvínsglös í kvöld, en ó, hvað við höfum haft það huggó.

 

Hafið það gott, allesammen, og munið að hófsemi er lykillinn að????????????????????

Athugasemdir

[haraldurhar, 6.4.2008 kl. 00:39]

    Sæl Jónina.

    Þegar ég nota orðasambandið Rassgat í bala, er átt við lítið að einhverju, og þá jafnan mun minna en maður átti von á að fá.   Td. þegar sjómaður var spurður hvernig var aflinn þa gat maður fengið svarið ekki rassgat í bala, og vissi þar með að aflinn væri sáralítill.   Ekki get ég hjálpað þér með að snara þessu á dönsku, enda kunnáttan ekki mikil á því máli.

[Jónína Christensen, 6.4.2008 kl. 15:05]

Takk fyrir kommentið, Haraldur. Ég held ekki ég hafi þörf fyrir að þýða þetta, finnst bara alltaf fyndið þegar mér detta í hug íslensk orðasambönd, sem eru algjört bull á dönsku.

En er það austurlenskt fyrirbæri að kalla lítil börn "rassgat í bala", þegar maður meinar að þau séu svoddan krútt????

[adda (IP-tala skráð) 6.4.2008 kl. 21:34]

Takk fyrir afmæliskveðjuna :D