Óléttur maður fæðir í júlí

 

Samkvæmt Ekstrabladet er Thomas Beaties, 34 ára, ófrískur og kominn 6 mánuði á leið.

Leyndarmálið er að hann er fæddur kona, en fór í kynskiptaaðgerð, án þess þó að láta fjarlægja leg eða eggjastokka. Konan hans núverandi getur ekki orðið ófrísk, en það getur Thomas, með hjálp lækna. Tengdaforeldrarnir eru víst í sjokki, vissu ekki að tengdasonurinn væri fæddur kona.

Thomas ætlar sér, eftir fæðingu, að taka föðurhlutverkið að sér, en ekki móðurhlutverkið.........

Já, margt er skrítið í kýrhausnum.

Rassgat í bala

Hefur oft vafist fyrir mér að þýða þetta á dönsku!

Danir vilja meina að rassgat (røvhul) sé hið versta skammaryrði, og "i balje" sé i besta falli bull og þessu samhengi.

Datt þetta í hug þegar sonur vinafólks okkar var sofnaður í sófanum, þegar við fullorðna fólkið, að loknu borðhaldi með heitreyktum laxi, íslensku lambalæri, og sænskri súkkulaðiköku með jarðarberjum , ís og alles (börnin okkar og þeirra voru að sjálfsögðu með í því öllu saman), vorum dottin í "Trivial Pursuit" án barna. Drengirnir, 10 ára, voru semsé sofnaðir í sófanum, algjörir rassgat í bala, á meðan okkar 8 ára stelpurófa var (og er), á útopnuðu svo hún missi ekki af fjörinu.

 Ætla mér ekki að þýða "rassgat í bala" fyrir hina foreldrana, þegar þau sækja soninn á morgun, það virkar eitthvað svo flókið á dönsku !!!

Krútt  hins vegar, hljómar eins og "krudt", sem þýðir eins lags dýnamít.!!

Ekki hægt að finna almennileg samheiti

Ætla hins vegar að fara að reka átta ára ungann í rúmið (í áttunda skiptið). Fatta ekki alveg háttatíma kl. 8-9 virka daga, og hanga á fótum langt fram yfir miðnætti um helgar.

Jæja, ég ætla ekki að koma upp um mig í kvöld, það getur vel verið að ég hafi fengið eitt (eða kannski tvö (eða rúmlega tvö)rauðvínsglös í kvöld, en ó, hvað við höfum haft það huggó.

 

Hafið það gott, allesammen, og munið að hófsemi er lykillinn að????????????????????

Þröng á þingi

Þegar ég loksins hundskaðist í rúmið klukkan "lort" í gærkvöldi, lágu eitt stykki eiginmaður, tvö stykki ungar, og eitt stykki köttur í rúminu. Ég reyndi að ýta minnsta unganum til með eigin rassi (er hvort eð er eins og jarðýta), lagðist á hliðina, það var ekki pláss til annars og fór að lesa sænska krimmann sem ég er hálfnuð með. Kötturinn móðgaðist, og reyndi að lemja mig með loppunni, en forðaði sér svo. Ekkert skrítið þótt maður sé svolítið illa sofin og asnaleg.

Er heldur ekki búin að gera neitt af viti í dag, las aðeins meira í krimmanum þegar ég vaknaði, dragnaðist í ræktina um hádegi (var búin að plana að taka daginn snemma þar...........). Og hangi svo bara í tölvunni, þetta gengur ekki....

 

Er í frekar góðu skapi

Fékk loksins vinnu í mínum heimabæ (reyndar hjá sama fyrirtæki). Þarf þess vegna ekki að nota 2 tíma á dag lengur, til að komast í og úr vinnu. Jíbbíiiiii

Hlakka svo til að LABBA í vinnuna, allavega þegar vorið gengur í garð. Eða hjóla...

Ungarnir eru frekar ánægðir, þeim hefur fundist óþarfi að bæði mamman og pabbinn keyri óraleið á svona vinnudegi. Geta sofið lengur, ekki amalegt.

 Í nótt breytum við klukkunni hér í DK. Fáum sumartíma. Ætla bara rétt að vona að sumarið fatti það! En það lítur ekki út fyrir það

 

 2 til 6-døgnsudsigt

 Við kveikjum upp í arninum, förum í cintamani gallann, og brosum framan í fjandans rigninguna.

 

Það er enginn að lesa bloggið mitt....

á ég kannski að hætta þessu ?

Annars er ég í smá ham núna, var að panta haustferðina til Tyrklands, og hlakka ekkert smá til. Það veitir ekkert af smá sólarferð í haust, þegar búið er að taka frá 3 vikur í sumar til að fara til Íslands. Hlakka líka ferlega til þess. Meiningin er að halda ættarmót og ef ég þekki mína stórfjölskyldu rétt, þá verður bleytt rækilega í liðinu.

Annars er ekkert að frétta, annað en vetrarleiði. Mér finnst veturnir hér í DK vera ömurlegir, gráir, blautir og kaldir, en samt ekki almennilegur vetur. Þetta gráa raka veður er kaldara en almennilegt frost, einhvern veginn.

Ef einhver rekst hérna inn, settu endilega smá kveðju í gestabók eða athugasemdir, þetta er spurning um "overlevelse".

 

Vegna þess

..að þetta er fréttnæmt. Vildi óska að ég gæti nýtt mér þetta :þ

Flugfarið kostar krónu fyrir börnin

Hallóóóó! Einhver heima?

Hvernig farið þið að því að misskilja svo einfalda yfirlýsingu? Ragnar Axelsson er ekki að amast yfir að aðrir noti sama "gælunafn" og hann, heldur tekur hann fram að bloggið í þessu ákveðna nafni hafi ekkert með hann sjálfan að gera.  Þegar hann skrifar "Að gefnu tilefni" skil jeg það svoleiðis að hann hafi þurft að sverja þetta blog af sér, áður en hann tekur af skarið og skrifar þessa umdeildu yfirlýsingu.

 

Yfirlýsing frá Ragnari Axelssyni ljósmyndara

Minn eini skó-lasveinn

Ég á heldur næstum enga skó......

Skóálfurinn Renée Zellweger

Ég verð klikkuð

Enn einu sinni lít ég út eins og fífl. Hárgreiðslufólk hér í Danaveldi er ónothæft. Ég held að ég verði stórrík ef ég flyt inn hárgreiðslumenn og konur frá Íslandi. Í 11 ár hef ég ekki fengið virkilega góða klippingu hér, en það bregst hins vegar ekki á Íslandi að maður svífur út af hárgreiðslustofunum.

HVAÐ Á ÉG AÐ GERA????

 

Komm´on

Hver vill reka fyrirtæki með tapi?  Samherji hefur líklega ekki haft ölmususjónarmiðið í fókus þegar þeir fóru út í rekstur í sjávarútvegi. Ég skil ekki að íslendingum finnist að markmið sjávarútvegs á Íslandi sé að skapa atvinnu hvar sem er. Það er af sem áður var, og er það bara hið besta mál. Aðstæður á Íslandi, og markaðir fyrir sjávarafurðir, voru allt öðruvísi í den, þegar fiskvinnsla var í hverju krummaskuði. Það er nauðsynlegt að átta sig á þvi að skapa þarf atvinnutækifæri og verðmætasköpun á öðrum vettvangi en í sjávarútvegi á nýrri öld, og sjávarútvegsfyrirtækin standa frammi fyrir öðrum vandamálum en fyrr, og aðlaga reksturinn nýjum aðstæðum.

Samherji lokar vinnslustöð á Hjalteyri